旅行上網咭推薦:AIRSIM

各位朋友好, 又係我酒店控-LOUIS同大家上網既時候啦

我相信大家都有一個都市病, 就係”網路依賴症”, 如果上唔到網的話, 一定會慘過牙痛 (上唔到網>牙痛>大病)

小編以前去旅行上網一定用POCKET WIFI, 貪佢唔駛SETTING就咁就可以上網. (小編好怕SET錯野上唔到網就死啦)

但因為小編換左部新電話, 可以雙咭雙待, 所以我就去買左張上網咭試左, 原來SETTING一D都唔難. 我長期放係個電話裡面, 出外旅行就ENABLE佢, 返到香港就DISABLE佢, 而且你去邊個國家都可以預先係APP度買定PACKAGE (可以即買即用), 東南亞, 歐美等超過100個以上地區及國家都用得到, 仲方便過走去借POCKET WIFI次次申請, 次次都要去攞, 用完又要還

市場上有好幾款呢D國際上網卡供應商, 例如:

AIRSIM

自由鳥

SIMPLIFLY

老實講, 小編三張SIM咭都用過, 佢地D網速其實真係差唔多, 大家都係用當地的網絡, 如果一般CHECK下email, 打下咭, 查下地圖的話, 唔會有太大分別. 所以價錢會係一個幾重要的因素.

小編為左方便大家, 所以列舉出以上三家上網卡亞洲地點的上網費用供大家參考一下 (所有計劃是利用4G比較, 計算費用低至幾多錢)

如果就這樣睇, AIRSIM的費用價格都較為吸引喎, 只係中國的平均每日價錢輕輕的貴了1蚊.同埋澳門較為貴左少少.

識得小編耐, 都知到小編成日都去澳門玩, 以前小編會用到數X通的無形WIFI蛋來上網, 每日要$68蚊, 去澳門都好少即日來回, 通常都住一晚, 所以兩日就要$136, 真係好貴 (無辦法啦, 我好懶, 唔想搞咁多野)

但係早兩個星期, 小編就利用左AIRSIM去澳門上網.網速絕對唔係問題, 一般來說20.1M下載速度, 一般查資料或上YOUTUBE可謂卓卓有餘

“Louis Kwok , 你又話價錢好重要?? 但係澳門佢低至$18/日, 比其他既都貴喎!!”

無錯呀, 係貴左少少, 但係AIRSIM有一個好特別的增值服務, 令到小編覺得俾多少少錢都係抵!!

佢就係AIRTALK ROAM啦!!

咁其實佢係咩來呢?? 只要係透過AIRSIM買任何的上網數據, 佢就會送$30分鐘免費當地電話俾你用!!呢個30分鐘可以俾你接聽或打出電話!!

“LOUIS KWOK, 其實而家打電話, 用WHATAPPS或微信都可以打啦, 駛鬼用呢30分鐘呢??”

你又講得無錯, 如果打俾朋友, 絕對可以用WHATAPPS, 但其實有好多情況我地都可以用呢30分鐘!!而小編也試過呢個電話功能, 絕對可以媲美街線, 而且唔會有DELAY, 所以真係唔錯!!

以下為真人真事小編點樣利用呢30分鐘!!例如:

1)小編係澳門想預定餐廳食飯, 但餐廳又只得電話預約, 所以小編就可以利用呢30分鐘打去訂位!!

2)小編去左日本玩左幾日, 用信用卡買下手信, 但係唔知點解LOOK唔到咭喎?? 所以我又可以利用呢30分鐘打香港信用卡HOTLINE查一下點解

3)我諗大家都試過, 就係當大家去買完野, 好累好想快D返到酒店, 大家可能會諗撘的士返酒店, 但係上左車後, 講左酒店名當地的士司機好似佢地都聽唔明咁, 俾酒店咭片佢地睇, 佢地有時又睇唔明, 所以我會先打電話到酒店, 搵酒店的員工同佢地溝通, 咁就萬無一失了

4)有時你出外旅遊, 你朋友又未必知道, 所以佢地會打你手提搵你, 當地一接聽就會計你漫遊, 所以只要你有左呢個服務, 朋友同事打俾你, 你就可以無憂接聽了

詳盡的設定及使用方法, 大家可以到以下的網頁參考一下: https://www.airsim.com.hk/airtalk_howtouse

“Louis Kwok , 好似真係好方便喎, 但係我去邊度攞到呢張AIRSIM?? “

好簡單, 只要你係AIRSIM網頁購買任何數據套餐, 填好資料後, 佢就會寄一張新SIM CARD去你屋企, 大概2-4日左右, 完全免費!!又或者可以到其銅鑼灣門市攞SIM CARD都係免費!!

大家有興趣可以試一試, 真係好方便, 謝謝收看!!

Be the first to comment

Leave a Reply

Your email address will not be published.


*